Без вода неколку улици во Карпош

Корисниците на неколку улици во општина Карпош денеска ќе имаат прекин во водоснабдувањето од 09:00 часот, соопшти ЈП „Водовод и Канализација“ – Скопје.

Прекин во снабдувањето со вода ќе имаат корисниците на улиците „Софиска“, „Бриселска“, „Петар Драганов“, „Његошева“, „Копенхагенска“ и „Стокхолмска“.

Прекинот ќе биде поради изведување на водоводен приклучок ф-100мм на ул. „Софиска“ 7 и ќе трае до завршување со работните активности.

Од вчера попладне во прекин е снабдувањето со вода за корисниците на ул. „Демирхисарска“ во општина Шуто Оризари, каде има уличен дефект, на чие отстарнување ќе се работи денеска