БГНЕС: „Фашистот“ Иван Михаилов со восочна фигура во македонски музеј
,
Отворањето на Центарот за култура „Иван Михаилов“ во Битола минатата недела предизвика тоталитарна антибугарска пропаганда во РС Македонија, потсетувајќи на најмрачните времиња под југословенскиот диктатор Јосип Броз Тито, јави известувачот на БГНЕС.
Предводници на кампањата против Бугарија беа претседателот Стево Пендаровски, премиерот Димитар Ковачевски и дежурните патриоти на ВМРО-ДПМНЕ, предводени од лидерот на партијата Христијан Мицкоски и поранешниот министер за надворешни работи на Никола Груевски, Антонио Милошоски. Сите го повторија истото: „Бугарија го слави и му се восхитува на фашистот, нацистот, насилникот, соработникот на Хитлер и Мусолини“
Според нив, Иван Михаилов го отелотворува сето зло собрано на едно место од минатото. Интересен во овој случај е фактот што никој од бугарските политичари кои присуствуваа на отворањето на Центарот за култура не кажа ниту збор за самиот Михаилов. Одлуката за името на центарот ја донеле локални Бугари, а тоа се случило пред многу години.
Притоа, ниту Пендаровски, ниту Ковачевски, ниту Мицкоски, а уште помалку на Милошоски, а и на медиумите не им пречи тоа што во РС Македонија над 7 години постои музеј во родното село на Иван Михаилов кај Штип, каде што има восочна фигура и посебна просторија во негова чест. Ова е ДРЖАВЕН МУЗЕЈ!
Музејот свечено беше отворен на 21 декември 2014 година од тогашната министерка за култура Елизабета Канческа-Милеска, која на официјалната церемонија истакна дека нејзиното министерство ја купило куќата од семејството Андонов за да ја претставува богатата револуционерна борба.
„Министерството за култура и Владата на Македонија ја купија оваа куќа и решивме овој музеј да го изградиме овде. Самиот Штип е град-музеј, богат со историја, што е особено важно за нашата земја, за нашиот народ. Овој музеј е само мал дел од нашата богата историја, сведочи за нашиот пат кон независноста“, изјави тогаш Елизабета Канческа-Милеска.
Таа детално ги опишува восочните фигури на Јосиф Ковачев, Мише Развигоров, Тодор Александров, Иван Ванчо Михаилов, Панчо Михаилов, Гоце Делчев и Даме Груев.
Во ниту една информативна табла посветена на Иван Ванчо Михаилов не стои дека тој бил „фашист, нацист, соработник на Хитлер и Мусолини“ или „бугарски силеџија“.
Музејот се наоѓа веднаш до родните куќи на Иван Михаилов и легендарниот водач на ВМРО Тодор Александров.
Нејзината изградба и уредување е дело на најпознатите македонски научници: проф. Зоран Тодоровски, проф. Виолета Ачкоска и проф. Никола Жежов. Сите тие работат од почеток до крај на концептот на музејот. 11 восочни фигури се направени во Украина. Овде треба да се забележи и дека ниту во Германија ниту во Италија нема восочни фигури на Хитлер или Мусолини во музеите за национална историја.
Извор: БГНЕС
