Билјана Ивановска: Не барам моќ, не барам функција, сакам моќта да ја вратам на граѓаните
Граѓанските иницијативи од Платформата „Независни заедно“ денеска ја преставија Билјана Ивановска поранешната претседателка на Државната комисија за спречување на корупцијата како независна кандидатка за градоначалничка на Општина Центар.
Поранешната претседателка на Државна комисија за спречување на корупцијата Билјана Ивановска во својство на независен кандидат рече дека правдата, интегритетот и одговорноста се вредности што ја водат цел живот, и дека кампањата ќе се базира на три столба.
„Мојата кампања ќе се базира на три столба. Првиот столб е одговорност, отчетност и транспаретност бидејќи општината припаѓа на сите граѓани и секој граѓанин мора да знае како и кои политики се креират и го обликуваат неговиот живот. Вториот столб е инкузивност бидејќи секој граѓанин е важен и неговата индивидуалност и креативност е важна за заедницата. Третиот столб е заедништво и солидарност бидејќи веруваме во управување со вредности, а не управување водено со профит“рече Ивановска.
Ивановска ги очекува гласовите на сите граѓани кои ќе прпознаат чесно управување со општината.
…
