Блинкен повика на финализирање на договорот за прекин на огнот во Газа

Американскиот државен секретар Ентони Блинкен денеска ги повика Израел и палестинското движење Хамас да го финализираат договорот за прекин на огнот во Појасот Газа, изразувајќи увереност дека 90 проценти од договорот веќе е постигнат.

– Навистина, зависи од двете страни да постигнат договор за преостанатите прашања, изјави Блинкен на прес-конференција во Хаити, каде што пристигна во посета.

„Доколку успееме да постигнеме прекин на огнот во Газа, ќе можеме да преминеме кон нормализирање на односите меѓу Израел и Саудиска Арабија“, рече тој, во момент кога остануваат околу четири месеци до крајот на мандатот на американскиот претседател Џо Бајден.