Блумберг: Шолц уште утре би можел да и го одобри на Полска испраќањето на тенковите „Леопард” во Украина

epa10424673 (FILE) – A ‘Leopard 2PL’ tank of the Polish army during the international exercise pk. DefenderEurope2022 at firing range Drawsko Pomorskie, northwest Poland, 27 May 2022 (reissued 23 January 2023). During a tour through the country, Polish Prime Minister Mateusz Morawiecki announced in Poznan on 23 January 2023, that Poland will ‘formally ask Germany for permission to hand over some of its German-made Leopard 2 tanks to Ukraine’, the Polish news agency PAP reported. EPA-EFE/Marcin Bielecki POLAND OUT

Германскиот канцелар Олаф Шолц уште утре би можел да и дозволи на Полска да ги извезе своите тенкови „Леопард” од германско производство во Украина, наведуваат извори запознаени со прашањето.

Берлин сака да донесе одлука за ова прашање што е можно поскоро за да го смири растечкото незадоволство меѓу сојузниците, изјавија изворите за Блумберг под услов да останат анонимни.

Полска денеска официјално побара одобрение од Берлин за извоз на тенковите, а германската Влада во текот на денот најави дека ќе одговори на ова прашање што е можно поскоро.

Си-Ен-Ен јавува дека германскиот парламент уште утре би можел да расправа за прашањето за испраќање на тенковите „Леопард” во Украина.

Расправата во парламентот ја побараа опозициските партии Христијанско-демократската унија (ЦДУ) и Христијанско-социјалната унија (ЦСУ) со образложение дека сакаат да се овозможи испраќањето на тенковите во Украина.

Германскиот закон бара одобрение за реекспорт на нејзината воена опрема, што значи дека тенковите „Леопард” можат да бидат испратени во Украина само со согласност на Берлин.

Шолц досега инсистираше на тоа Германија да не дејствува одвоено од нејзините сојузници во НАТО во испраќањето нови категории тешко вооружување, поради загриженоста дека таквите потези може да предизвикаат ескалација со Москва.

Германските официјални лица секогаш јасно кажуваа во приватни разговори дека ќе испратат или ќе дозволат други да испратат „Леопарди” во Украина само доколку САД го испратат својот главен борбен тенк „М1 Абрамс”.

Берлин оттогаш го промени својот наратив и сега официјални лица изјавуваат дека нема врски меѓу испраќањето на тенковите „Леопард” и „М1 Абрамс”.

Весникот „Вол Стрит Џурнал” денеска објави дека САД би можеле нивните тенкови „М1 Абрамс” да ги испратат во Украина како дел од поширок меѓународен пакет што ќе ги вклучува и германските „Леопарди”

Back to top button
Close