Богоев: Граѓаните се крајно незадоволни од градоначалниците на ДПМНЕ

Граѓаните се крајно незадоволни од градоначалниците на ДПМНЕ, тоа го покажуваат истражувањата, истакна потпретседателот на СДСМ Стефан Богоев во интервју за „Слободен печат“.

Богоев ги повика ДПМНЕ да си ги видат анкетите за задоволството од нивната градоначалничка во Скопје, од нивниот градоначалник во Битола, во Велес, Штип, Аеродром и нивните рејтинзи, кои покажуваат крајно разочарување на граѓаните.

Онаму каде ДПМНЕ е најслаб со градоначалници и нивно делување и исполнување на програмата што ја ветиле, а тоа се мнозинството општини, тоа ќе им се рефлектриа и на изборните резултати, рече Богоев.

Потпретседателот Богоев како пример ја наведе општина Карпош, каде советниците на ДПМНЕ и Левица во коалиција прават блокади, кочат и ја уништуваат општината.

Сега ги гледам го кочат буџетот. Тоа се средства за плати за луѓето што ја одржуваат хигиената на општината, за одржување на водоводи училишта, градинки, кај што одат нашите деца. Тука се гледа злонамерноста на ДПМНЕ и на Левица, истакна Богоев, додавајќи дека советниците на СДСМ во Карпош ќе продолжат да се борат во интрес на граѓаните и нема да поддржуваат непопуларни ДУП-ови со претерано градење, а ќе поддржат, се што е корисно.

Богоев нагласи дека Владата на ДПМНЕ 11 години не ги поддржуваше општините, коишто беа раководени од СДСМ, и тоа не само што не ги поддржуваше, туку и ги кочеше во проектите.

Владата предводена од СДСМ ги поддржува оштините, не за да ги поддржи градоначалниците на ДПМНЕ, туку за да реализира нешто кај граѓаните. Кога градоначланикот од ДПМНЕ веќе ги запоставил, барем граѓаните да видат дека има Влада од СДСМ којашто се грижи за нив. Ако не е поддршката од граѓаните во т.н. вмро-овски општини нема да се случува ништо, ниту Тимчо ќе изгради градинка, ниту Пецаков ќе изгради било што, ниту пак Коњановски во Битола, којшто е за жалење како градоначалник, ниту оној незнаен јунак во Прилеп, на кој ни Прилепчани веќе не му го знаат името. Никој од нив не би направил ништо ако не е сегашната поддршка од владата, порача потпретседателот на СДСМ Стефан Богоев во интервју за „Слободен печат“.

Коалицијата на БСЕА и ДПМНЕ во Тетово ги разгорува меѓуетничките страсти, повторно го гледаме истото танго од времето на режимот, но граѓаните се свесни и ова нема да го дозволат, рече потпретседателот на СДСМ, Стефан Богоев, во интервју за Слободен печат.

Потпретседателот на СДСМ додаде дека парадоксот е што Касами стана градоначалник и има мнозинство во Советот на општина Тетово благодарение на ДПМНЕ.

-Секретар на општина Тетово, втор човек во општината е истурен активист на ВМРО-ДПМНЕ. Втор човек на општината. Истата таа општина во којашто секретар е од ДПМНЕ вели ќе го рушам крстот а ДПМНЕ вели не треба да се руши. Гледате дека тие измислуваат начини да ги разгорат етничките страсти. Во 2024 година граѓаните се свесни и тоа нема да го дозволат, рече Богоев.

Тој направи и паралела на различното однесување на Касами и БЕСА во коалиција со СДСМ и сега во коалиција со ДПМНЕ.

-Билал Касами и БЕСА кога беа во коалиција со СДСМ, 2020 година, тие се залагаа за едно општество за сите, Македонија да оди напред како мултиетничка држава, за соживот меѓу граѓаните. Сега истиот тој Билал Касами, овој пат во коалиција со ДПМНЕ ќе рушел крстови, мапи на голема Албанија, тоа што ви кажува? Дека кога се во коалиција со СДСМ делуваат за соживот и едно општество за сите, а кога се во коалиција со ДПМНЕ ги разгоруваат меѓуетничките страсти, рече Богоев во интервју за Слободен печат.