Борисов: Од цел регион само Македонија и Бугарија не се во конфликт

Министерот за надворешни работи на Македонија, Бујар Османи се сретна со лидерот на ГЕРБ, Бојко Борисов.

Борисов кажа дека Македонија и Бугарија имаат заеднички пат кон Европа и се надева дека односите ќе бидат сè подобри како поминува времето.

„Мора да го прилагодиме општеството да не биде под влијание на ситници и да прекинеме со провокации. Србија и Косово, Украина и Русија, Турција и Грција, цел регион е во конфликт. Само Бугарија и Македонија не се во конфликт“, вели Борисов.