Британското МО оценува дека Руските воени сили не ги постигнале првично очекуваните цели

Русија не ги постигнала своите првични цели – борбите надвор од Киев биле ограничени на единиците на руските специјални сили, оценува британското Министерство за одбрана.

Џејмс Хипи, државен потсекретар во МО, зборувајќи на денешната програма на „Би-Би-Си Радио 4“, рече дека целите да се заземат клучните украински градови не се реализирани. Тој додаде дека Велика Британија не им верува на руските тврдења дека го зазела југоисточниот град Мелитопол.

„Украинскиот отпор на руското напредување изгледа извонреден. Сите цели во Харков, Керсон, Мариупол, Суми, па дури и Мелитопол, за кои Русите тврдеа дека ги имаат заземено уште првиот ден изгледа дека се уште се во рацете на Украина“, вели тој.

„За борбите на периферијата на Киев ние знаеме само дека се активности на руски специјални сили. Оклопните колони борбени возила за кои се наведува дека слегуваат од Белорусија и од север за да го опколат Киев се уште се далеку, тие се задржани од овој неверојатен украински отпор“, вели Хипи.