Бритни Спирс конечно на суд: Не ми дозволуваа да забременам, ме „клукаа“ со лекови, си го сакамживотот назад
Пејачката Бритни Спирс денеска се обрати пред судот во Лос Анџелес во клучен момент за битката што ја води против нејзиниот татко, за кого тврди дека и ја одзел можноста да управува со финансии и деловни активности. Таа на сослушувањето рече дека само сака да си го врати животот.
Поп-sвездата разговараше со судијата Бренд Пени за проблемот со старателството, поради што не може да ги контролира своите пари од 2008 година. Ова е прво судење што е отворено за јавноста во постапката што Бритни ја води 13 години против нејзиниот татко.
Учествуваше од далечина и самата го побарала сослушувањето, за да може да ја објасни својата страна на приказната.
-Не сум среќна. Не можам да спијам. Многу сум лута, тоа не е нормално и сум во депресија, луто му рекла Бртини на британскиот судија.
-Последен пат кога разговарав со тебе … се чувствував мртво. Ова ви го повторувам затоа што мора да разберете дека не лажам. Можеби сега ја разбирате длабочината и степенот на мојата штета. Заслужувам промени“, им рекла Бритни на сите во судницата.
Таа страсно зборувала за тоа како сака да го промени својот живот и да стави крај на процесот на старателство без лекарска проценка, со оглед на бројот на тестови што ги поминала низ овие години.
Најболниот дел од нејзиното сведочење е моментот кога призна дека нејзиниот тим, предводен од нејзиниот татко, не сакал да забремени со друго дете.
„Сакав да имам можност да се омажам и да имам деца, но тие не го сакаа тоа …“
Додека Бритни ги споделувала најтешките моменти од својот живот и битката што ја водела долги години, нејзините верни фанови се собраа пред судот, иако таа не се појави таму. Тие носеа транспаренти на кои пишувало „Ослободете ја Бритни“ и го поддржале нивниот идол.
Бритни е под надзор на старател од 2008 година и е силно против нејзиниот татко Џејми Спирс да биде чувар на нејзините работи и финансии. Џејми претходно се повлече од таа позиција поради здравствени проблеми.
