Бројот на жртви во уривањето на зграда во Триполи се искачи на 13

Бројот на жртви од уривањето на станбена зграда во Триполи, северен Либан, се искачи на 13, додека спасувачките екипи продолжуваат да бараат луѓе заробени под урнатините, објавија денеска либанските медиуми.

Претходно беше објавено дека најмалку девет лица, меѓу кои жена и дете, загинале кога се урнала зграда во Триполи вчера.

Спасувачите пронајдоа девет преживеани во населбата Баб ал-Табане, додека продолжуваат напорите за пребарување и спасување.

Службениците вчера соопштија дека се урнале две соседни згради.

Шефот на либанската агенција за цивилна одбрана изјави дека во двете згради живееле 22 лица.

Во последните недели во Триполи, вториот по големина град во Либан, се урнаа неколку стари станбени згради.