„Цар Борис“ и „Иван Михајлов“ ќе треба да бидат „ликвидирани“ до 16 март
Ако охридското и битолското здружение не се усогласат со Законот, министерот Тупанчески ќе донесе одлука за неусогласеност, по претходно негативно мислење од Комисијата за употреба на имиња и врз таа основа Централниот регистар ќе ги избрише двата бугарски клуба, објаснуваат од Министерството за правда за „Слободен печат“.
Министерот за правда Никола Тупанчески до 16 март треба да ги „ликвидира“ двете здруженија на Бугарите во Битола и во Охрид ако дотогаш не ги сменат нивните скандалозно спорни имиња „Иван Михајлов“ и „Цар Борис Трети“. Заедно со нивните статутите во кои се промовираат ликовите и делата и со тоа се прави обид за рехабилитација во Македонија на двајцата соработници на фашистичка Германија од Втората светска војна.
