Чавушоглу: Турција ќе одговори ако ЕУ воведе санкции

Турција ќе одговори со свои мерки ако Европската унија наметне нови санкции, предупреди турскиот министер за надворешни работи Мевљут Чавушоглу по состанокот со високиот претставник на ЕУ за надворешна политика и безбедност Жозеп Борел.

Францускиот министер за надворешни работи Жан-Ив Ле Дријан минатата недела изјави дека министрите на ЕУ ќе разговараат за Турција на 13 јули, наведувајќи дека во таа прилика би можело да се разгледа и воведувањето нови санкции за Анкара, покрај чекорите преземени поради дупчењето на Турција во економската зона на Кипар

– Ако ЕУ преземе дополнителни одлуки против Турција, ние ќе мораме да одговориме на тоа, рече Чавушоглу на заедничката прес-конференција со Борел во Анкара.

Чавушоглу ја критикуваше ЕУ затоа што, како што рече, не ги исполнила своите ветувања и го поврзува прашањето како што е кипарскиот спор со договорот за мигрантите од 2016 година. паг/

Back to top button
Close