Четворица малолетници обвинети за „соучесништво“ во убиството на професорот Самуел Пати
Продолжува истрагата за атентатот врз професорот по историја и географија Самуел Пати, за „соучесништво во терористички атентат“ и „терористичко злосторничко здружение“, откако во октомври, седум лица, вклучувајќи и двајца ученици од основно училиште , беа изведени пред лицето на правдата.
Според информациите објавени денеска, четворица други ученици се обвинети во истрагата за убиството на 16 октомври на професорот Самуел Пати, поради тоа што на своите ученици им покажал карикатури на Мухамед, јави дописникот на МИА.
Четвртото лице, обвинето за „клеветничко обвинување“, е ќерка на Брахим Чхина, родител на ученичката кој стои зад медиумската кампања против професорот Пати.