Чилаверт: Марадона не освои ниту 1% од она што го освои Меси

Поранешниот парагвајски репрезентативец Хозе Луис Чилаверт зборуваше на прашањето кој е подобар фудбалер помеѓу актуелната sвезда на Аргентина – Лионел Меси, и поранешната – Диего Марадона. Поранешниот голман е непоколеблив дека Меси е подобар.

– Меси е најдобар на светот, без сомнение. Марадона не освои ниту 1% од она што го освои Меси. Лео можеше да игра за Шпанија и да биде предавник, но тој остана лојален на Аргентина и Аргентинците треба да му бидат благодарни, прокоментира Чилаверт, цитиран од bestsport.news.

Марадона ја освои светската титула со Аргентина во 1986 година, а на првенството после 4 години, освои сребрен медал. Тој е исто така освојувач на „Златната топка“ за најдобар играч на СП во 1986 година.

Меси е олимписки шампион во 2008 година, четирикратен освојувач на Лигата на шампионите и шесткратен победник на „Златната топка“ на Франс Фудбал.