Во моментот кога бомба била фрлена врз куќата на Здравко Чолиќ на Дедиње, пејачот, неговата сопруга и помладата ќерка Лара биле во вилата, српски дознава „Telegraf.rs“.

Според изворот, тие спиеле во моментот на детонацијата, а страшен звук ги разбудил не само нив, туку целото соседство.

Постарата ќерка на Чола – Уна, била единствената што не била дома во моментот на експлозијата.

Популарниот пејач и неговото семејство се преселиле во оваа вила пред година и пол, кога тој го продал имотот во Коштуњак. Имено, тој долго време живеел со сопругата и ќерките во Кутњак, во елитна населба.

Веднаш по пријавата, полициските сили ги блокирале приодите кон зградата, а истрагата ја спровеле на лице место припадници на МВР и дежурниот обвинител на Вишото јавно обвинителство во Белград.

Форензичарите собираат докази и проверуваат снимки од околните камери за надзор за да го идентификуваат напаѓачот.

Нападот се случил рано утрово, околу 5 часот, додека сите спиеле, но во полицијата бил пријавен дури пред неколку часа….

Чола долго време живеел во Кошутњак со сопругата Александра и ќерките Уна и Лара, а од непознати причини решил да ја продаде вилата на крајот на 2023 година за еден милион евра. Чолиќ  наводно решил да го промени својот животен простор бидејќи неговите обожаватели често доаѓале на вратата и сакале да се сретнат со него и да се фотографираат, а тоа траело со години.

На крајот, Чола се вратил да живее со своето семејство во вила на Дедиње.