Дани Олмо и Пау Виктор ќе можат да играат за Барселона до крајот на сезоната
Врховниот спортски совет на Шпанија ја усвои жалбата на играчите на Барселона, Дани Олмо и Пау Виктор, која ќе им овозможи да играат за каталонскиот гигант до крајот на сезоната. Во средата, Ла Лига го намали лимитот на платите на Барселона, тврдејќи дека неодамна ревидираните сметки на клубот не се совпаѓаат со бројките за крајот на годината пријавени од претходниот ревизор.
Претходните сметки вклучуваа приходи од продажба на ВИП-ложи на реновираниот „Камп Ноу“, што и овозможи на Барселона да ги испочитува правилата за финансискиот фер-плеј на Ла Лига и да ги продолжи регистрациите на Олмо и Виктор.
Ла Лига соопшти дека клубот нема капацитет да ги регистрира двајцата играчи врз основа на нивните сметки, но Вишиот спортски совет објави дека регистрациите на двајцата играчи останале валидни откако шпанското фудбалско тело призна дека „нема одлука од федерацијата која се согласила за поништување на пријавите“ и дека одлуката да не им се одобри регистрација била „невалидна“.
-Професионалните кариери на Дани Олмо и Пау Виктор се заштитени од 8 јануари со итна мерка на претпазливост со единствена цел да се избегне непоправлива штета додека не се реши постапката, се вели во соопштението, додавајќи: „Поради неусогласеност со соодветните процедури утврдени во регулативите, како и поради тоа што не е тело овластено за донесување одлука за координација помеѓу федерацијата и Ла Лига мора да се сметаат за ништовни, и сите последици што произлегуваат од тоа, се неважечки.“
Во јануари, Врховниот спортски совет и дозволи на Барселона привремено да ги регистрира двајцата играчи, четири дена откако шпанските фудбалски власти ги одбија нивните барања.
