Давид Тошевски потпиша за Ростов

Напаѓачот на Работнички, Давид Тошевски, кариерата ќе ја продолжи во рускиот клуб Ростов, соопштија од клубот.

Тој потпишал петгодишен договор со Ростов и во иднина ќе настапува во руската Премиер лига.

„ФК Работнички изразува задоволство што и понатаму продолжува со стратегијата за форсирање на млади и талентирани фудбалери кои потоа прават трансфери во големите европски клубови“, соопштија оттаму.

Тошевски е дете на Работнички, почетоците ги имаше во пионерско-младинската академија на клубот, а како еден од најталентираните беше прекомандуван во сениорскиот тим и потпиша професионален договор.

Изминатава сезона Давид Тошевски одигра 21 натпревар во дресот на Работнички, беше стрелец на пет гола и забележа три асистенции.

Тој е младински репрезентативец на Македонија.

Трансферот на официјалниот сајт го потврди и рускиот клуб Ростов.