Дебранец приведен за полов напад врз дете

Полициските службеници од Одделението за внатрешни работи во Дебар, приведоа дебранец како можен сторител на полов напад врз дете.

– Денеска во ОВР-Дебар, приведен е Б.Ф.(40) од Дебар кој претходно е пријавен како можен сторител на казнените дела „полов напад врз дете кое не наполнило 14 години“ и „прикажување порнографски материјал на дете“. По целосно расчистување на случајот, ОВР Дебар ќе поднесе соодветна пријава, изјави Стефан Димоски, портпарол на Секторот за внатрешни работи од Охрид.

Информираше дека синоќа во 21 часот, од слобода е лишен С.А.(40) од дебарското село Могорче, кој претходно извршил физички напад врз неговата сопруга. Против него, рече Димоски, ќе биде поднесена соодветна пријава.

Што се однесува до почитувањето на мерката за носење заштитна маска и полицскиот час, во последното деноноќие на подрачјето на двете општини Дебар и Центар Жупа, кои со својата активност ги покрива дебарското одделение не се регистрани прекршувања.

Според него овој месец костатирани се 53 прекршувања на мерката за носење заштитна маска на лицето и четири прекршувања на полицискиот час.

Back to top button
Close