Демолиран штабот на СДСМ во Јегуновце на Велигден

На најголемиот христијански празник – Велигден, во општина Јегуновце бил демолиран штабот на СДСМ.

Од партијата соопштуваат дека овој чин не претставува само напад врз СДСМ, туку и врз основните демократски вредности, правото на различно мислење и соживотот во заедницата.

„Каква порака се испраќа до граѓаните кога на ден на воскресение и надеж се случуваат вакви дела на вандализам? Дали ова е општеството во кое сакаме да живееме?“ стои во реакцијата.

СДСМ остро го осудува инцидентот и повикува на разум, смиреност и меѓусебна почит, нагласувајќи дека Јегуновце мора да остане место на мир и заедништво, а не на поделби и омраза.

Од партијата упатуваат и повик до надлежните институции, меѓу кои и Министерството за внатрешни работи, да го истражат случајот и да ги пронајдат сторителите