Денешниот глас ќе ја одреди иднината на земјата, тоа е нашиот политички и национален патоказ, вели Адеми од НАИ

„Досега е завршен еден многу важен дел од демократскиот процес, но сега започнува другата еднакво важна фаза, фазата на броење, администрирање и зачувување на интегритетот на глас. Затоа упатуваме повик до секој член на изборната комисија, секој набљудивач и секоја надлежна институција да ги зачува највисоките европски стандарди за конечниот резултат да ја одрази вистинската волја на граѓаните и реалноста на нивното слободно и демократски изјаснување“кажа тој.

Според него, НАИ имаат само мал број забелешки на изборниот процес, поради што во наредните денови ќе се обратат до надлежните институции.

„Денеска над се, победник е граѓанинот, ониј што верува во демократијата, учеството и европските вредности, бидејќи само преку слободниот глас се гради довербата, а само преку учество се гради иднината. Денешниот глас е тој што ќе ја одреди иднината на оваа земја, тој е нашиот политички и национален патоказ“вели Адеми.

Посочи дека тоа е така, оти единствениот пат напред за С Македонија е европскиот пат, патот на демократијата, еднаквоста и целосната интеграција на сите нејзини граѓани.