Денеска ќе биде врнежливо, со температура до 11 степени

Времето денеска ќе биде претежно облачно и со повремени врнежи од дожд. Според прогнозата од Управата за хидрометеоролошки работи (УХМР) во текот на денот на некои места врнежите од дожд ќе бидат пообилни со над 20 литри на квадратен метар. На планините се очекуваат врнежи од дожд. Во текот на денот ќе дува и слаб до умерен ветер, кој вдолж Повардарието краткотрајно ќе биде засилен од северен правец. Температурата науро ќе биде од нула до 7 Целзиусови степени, а во текот на денот од 4 до 11 степени.

Во Скопје, времето денеска ќе биде претежно облачно со врнежи од дожд кои повремено ќе бидат пообилни. Температурата ќе се движи од 4 до 10 степени.

И за утрешниот ден се најавува променливо облачно време со повремени локални врнежи од дожд, а на планините и на некои од повисоките места со повремен снег. Ќе дува умерен, а вдолж Повардарието засилен ветер од северен правец. Температурата ќе биде од 4 до 10 степени