Десетици илјади Украинци останаа без струја по руските напади врз Херсон и Одеса
Десетици илјади луѓе во јужна Украина останаа без електрична енергија и греење по руските напади врз градот Херсон и најголемото украинско пристаниште Одеса, соопштија денеска локалните власти и украинската енергетска компанија ДТЕК – Десетици илјади луѓе во јужна Украина останаа без електрична енергија и греење по руските напади врз градот Херсон и најголемото украинско пристаниште Одеса, соопштија денеска локалните власти и украинската енергетска компанија ДТЕК.
Гувернерот на јужноукраинскиот град Херсон, Олександр Прокудин, изјави дека градската топлификациска и термоелектрана биле исклучени по серијата руски напади во текот на ноќта, оставајќи 40.500 жители без греење.
„Овој целосно цивилен објект, кој обезбедуваше греење за жителите на градот, претрпе сериозни штети: просториите и опремата на станицата беа оштетени. Терористите повторно водат војна против цивилното население“, напиша Прокудин на својот Телеграм канал.
Украинската енергетска компанија ДТЕК соопшти дека Русија го нападнала нејзиниот енергетски објект во јужниот регион Одеса во текот на ноќта, оставајќи 51.800 домаќинства без електрична енергија.
Министерството за енергетика на Украина соопшти дека руските напади, исто така, оставиле околу 60.000 жители во регионот Доњецк без електрична енергија, без да даде дополнителни детали.
