Девојче земало 25 илјади евра од дома за да им ги даде на соученици кои ѝ се заканувале

Скопската полиција информира дека малолетничка од Скопје од дома зела 25.000 евра за да им даде на соученици кои ѝ се заканувале.

Синоќа половина час после полноќ, во СВР Скопје, 52-годишник од Скопје пријавил дека неговата малолетна ќерка, ученичка во основно училиште на подрачјето на Бит Пазар во Скопје, подолг период добивала закани од двајца соученици дека физички ќе го нападнат нејзиниот помал брат, кој е лице со здравствени проблеми, доколку не им даде пари.

Според пријавеното, таа била принудена и во повеќе наврати им давала пари, при што од домот одзела вкупно 25.000 евра.

МВР презема мерки за расчистување на настанот.