Девојчето кое тепаше врсничка во Велес повикано со родителите на разговор
Видеото кое го снимил очевидец на настанот предизвика бурни реакции. Насилство помеѓу тинејџерите, но и наместо да се притрча во помош, да се снима една ваква случка со мобилен телефон, е темата која е актуелна помеѓу граѓаните. На крајот на видеото, се гледа како девојчето кое ја турна на земја врсничката, продолжува да ја удира, се додека повозрасна жена не им пријде и ја оттргна насилничката од жртвата.
Од СВР Велес за „Фокус” велат дека настанот е пријавен во полиција. Станувало збор за девојчиња, врснички, на возраст од околу 11 години. Потврдуваат дека девојчето кое го изврши насилството заедно со родителите е повикано на разговор со социјален работник. Изјавија дека се работи на расчистување на случајот.