Дибала се враќа во составот на Рома за Лига Европа

Напаѓачот на Рома, Пауло Дибала, ќе се врати во составот на италијанскиот клуб за натпреварот од Лига на Европа на 2 октомври, објави денеска весникот „Газета дело Спорт“.

Аргентинецот закрепнува од нова повреда и го пропушти големото градско дерби во неделата во кое Рома го совлада Лацио со 1-0.
Новото засилување Леон Бејли, исто така, закрепнува од повредата, а Рома се надева дека и позајмениот играч од Астон Вила ќе биде достапен за натпреварот против Лил.