До понеделник стабилно време, од вторникт локален дожд

До понеделник ќе се задржи стабилно и претежно тивко време. Наместа ќе има појава на магла и зголемена облачност. Во вторник се очекуваат локални врнежи од дожд.

Како што соопшти Управата за хидрометеоролошки работи, утре минималните температури ќе се движат во интервал од -5 до 2 степени Целзиусови, додека максималните ќе достигнат од 6 до 13 степени.

Во Скопје минималната температура ќе се спушти до -4 степени, а максималната ќе достигне до 6 степени Целзиусови.