Додик: Нема да поднесам оставка, ниту да ја напуштам Република Српска

Претседателот на Република Српска – Милорад Додик денеска за руската државна агенција ТАСС изјави дека не размислувал за оставка и дека нема да ја напушти Република Српска.

„Никогаш нема да поднесам оставка под притисок. Ќе ја напуштам политичката сцена само кога граѓаните на Република Српска ќе одлучат дека е време да си одам“, изјави Додик, пренесуваат сараевските медиуми.

Тој додаде дека „дефинитивно нема да ја напушти РС“, бидејќи, како што рече, „има сè – семејството и неговите најблиски“.

„Таму се чувствувам добро“, посочи Додик, додавајќи дека е посветен „да се залага за Република Српска и да се бори за секој нејзин агол“.

Тој рече дека властите на РС „не се милитаристи, ниту се бунтовничка група и нема од што да се плашат“.

„Законот е на наша страна и се врши очигледна и широко распространета злоупотреба од политичарите во Сараево, особено оние босански муслимани кои се посветени на политичкиот ислам, кој тие го промовираат на овие простори веќе три децении“, рече Додик.