Дожд и ретки грмежи попладне, од недела и пониски температури
– Локални врнежи проследени со ретки грмежи се очекуваат попладнево во земјава. Ќе дува и слаб умерен ветер од западен и северозападен правец.
Променливо облачно со повремени врнежи од дожд, ќе има и утре особено попладне
и во текот на ноќта. На места врнежите ќе бидат поројни и пообилни со над 20л/м2 проследени
со локална појава на грмежи и засилен ветер.
Од недела поради продор на постудена воздушна маса се очекува пад на температурите и снег на планините.
На планините и на некои повисоки места претежно во северните делови, врнежите ќе бидат од снег, ќе дува умерен до засилен северен ветер над 60 км/час, а дневните температури позначително ќе опаднат, особено во северните делови.
