Драстично намалување на највисоките малопродажни цени на горивата – ова се новите цени
Регулаторната комисија за енергетика (РКЕ) донесе одлука за драстично намалување на највисоките малопродажни цени на нафтените деривати, која стапува на сила од полноќ. Во споредба со цените утврдени на 15 јуни, возачите од утре ќе точат значително поевтини горива, а најголемо олеснување ќе почувствуваат оние кои возат на дизел.
Според новата одлука, малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за дури 7,00 денари по литар.
Сериозен пад има и кај бензините:
Цената на ЕУРОСУПЕР БС-95 се намалува за 3,50 денари и неговата нова цена ќе изнесува 84,00 денари за литар.
Бензинот ЕУРОСУПЕР БС-98 поевтинува за 4,00 денари, што значи дека од полноќ ќе се продава по цена од 86,00 денари за литар.
Новите цени на горивата ќе важат во следните денови до новата редовна или вонредна одлука на Регулаторната комисија.
