Дваесет и двегодишен Македонец, за една ноќ, украл четири автомобили на Брач
Четири автомобили биле украдени една саботна вечер на Брач од 22-годишен државјанин на Северна Македонија, кој по завршување на кривичната истрага бил уапсен и притворен, јавува хрватски „Индекс“.
Фото: EPA/MAURITZ ANTIN
Сплитско-далматинската полиција соопшти дека против 22-годишникот спровела истрага во Полициската станица Брач.
Тој е осомничен дека ноќта на 7 јануари украл четири возила, три во Нережишќе и едно во Супетар, со кои потоа направил сообраќајни незгоди и оштетил едно.
Вкупната материјална штета се проценува на неколку илјади евра.
Тој во неделата со кривична пријава за неовластено користење и оштетување туѓ движен имот е однесен во притвор.