Двери: „Мини Шенгенот е антидемократски чин и предавство на српските интереси
Српското опозициско движење Двери оцени дека „мини Шенген“ за кој зборуваат српските власти е „антидемократски чин“ и „предавство на националниот интерес“, јави дописникот на МИА од Белград.
Лидерот на таа партија, Бошко Обрадовиќ, на прес-конференцијата изјави дека е потребно граѓаните на референдум да се изјаснат дали се за мини-Шенген.
-Владата ја наметнува идејата за„ Мини Шенген “, која не може да се третира поинаку како албански „Мини Шенген“, бидејќи соработката првенствено им е понудена на Албанија, Северна Македонија, лажната држава Косово, што е територија на која Албанците претендираат да формираат голема Албанија, кажа Обрадовиќ.
Според него, Двери осмислиле „српски мини-Шенген“ во кој ќе бидат вклучени Република Српска и Црна Гора, бидејќи тоа е „единствен српски простор и свет“ и дека во таа смисла, секоја форма на соработка со тие земји е добредојдена.
Потпретседателката на Двери, Тамара Миленковиќ-Керковиќ оцени дека „Мини Шенген“ е алтернатива на она што Србија никогаш го немала, а тоа е „сигурен влез во Европската унија“ и дека движењето Двери не се противи на интеграциите, но дека тие мора да бидат од корист и за добро на српскиот народ.
