Еден повреден од експлозија на писмо – бомба во Украинската амбасада во Мадрид

Припадник на персоналот на амбасадата се здобил со полесни повреди и е пренесен во болница, се наведува во полициското соопштение.

Според извори на кои се повикува агенцијата Ефе, пликот бил адресиран до амбасадорот и не поминал низ скенерот, туку го отворил чувар во градината на амбасадата.

Инцидентот го истражуваат форензичари и разузнавачките служби, се посочува во соопштението.

Просторот околу амбасадата е ограден. Полицијата го активираше антитерористичкиот протокол и го опколи просторот каде што се наоѓа дипломатското претставништво.