Џенифер Анистон ја потврди врската со романтична објава на Инстаграм

Џенифер Анистон ја подигна својата врска со момчето Џим Кертис, хипнотерапевт, на следно ниво. Популарната 56-годишна актерка и извршен продуцент на „Утринското шоу“ ја објави нивната прва заедничка фотографија на својот Инстаграм профил во неделата вечерта, посакувајќи му среќен роденден.

„Среќен роденден, љубов моја“, напиша Анистон покрај романтична црно-бела фотографија на која го прегрнува својот партнер одзади. Иако ова е првата нивна заедничка фотографија што ја објавила, актерката веќе споделила негова фотографија претходно во септември, но била скриена меѓу другите слики во галеријата.

Заедно од лето

Кертис и Анистон првпат се поврзаа во јули оваа година откако беа фотографирани како имаат интимно дружење на јахта. Оттогаш, тој ѝ беше поддршка на септемвриската премиера на четвртата сезона на „Утринското шоу“, а во август беа видени и на двоен состанок со нејзиниот пријател Џејсон Бејтман и неговата сопруга Аманда Анка. Извор близок до двојката претходно изјави за „Пипл“: „Тие излегуваат и се забавуваат одвреме-навреме“.

Анистон се разведе од Бред Пит во 2005 година по 5 години брак . Со Џастин Теру беше во брак од 2015 до 2017 година