Ќерката на Балашевиќ го пријавила сопругот за семејно насилство
Ќерката на починатиот кантавтор Ѓорѓе Балашевиќ, актерката Јована Балашевиќ (42), го пријавила својот невенчан сопруг Александар Јовановиќ, експретседател на Собранието на Нови Сад за семејно насилство, пренесуваат српските медиКако што пишува „Телеграф“, до вербалниот конфликт меѓу Јована Балашевиќ и нејзиниот невенчан сопруг дошло кога Јована пристигнала во станот во кој живееле заедно за да ги собере своите работи и да се исели. Како што понатаму објавија медиумите, таа тврдела дека Александар тогаш ѝ упатил низа навреди, па ја заклучил во станот и наводно ѝ рекол да повика полиција. Актерката ја повикала мајка си, која повикала полиција, по што Александар ја пуштил да излезе од станот, пишува порталот.
Јована тогаш наводно во полиција изјавила дека нејзиниот невенчан сопруг ја нарекува луда и дека со години трпела психичко насилство од него.
Освен тоа, Јована, пишува „Информер“, се пожалила во полиција дека Александар ѝ рекол дека треба да се лечи, но и да пие лекови. По пријавувањето на наводното насилство, на Јовановиќ му е изречена итна забрана за приближување, а обвинителството против него поднесе кривична пријава во редовна постапка за семејно насилство.
…
