Ештон Качер проговори за својата болест: Ги изгубил видот и слухот

Ештон Качер неодамна откри дека се бори со ретко автоимуно заболување наречено васкулитис. Поради оваа болест, тој привремено не можел да слуша и да гледа. Со неговата сопруга, глумицата Мила Кунис за „Ентертејнмент тунајт“ сега проговорија како го пребродиле тешкиот период.

– Мислам дека немате време да седнете и да разговарате, едноставно минувате низ тоа. Одите и се справувате со кое било здравствено нарушување што ќе се појави… Но, сепак имате деца, сѐ уште имате семејство, мора да го живеете животот. И, мислам дека сме многу среќни што се имаме еден со друг, но што се однесува до тоа дали постојано седиме и разговараме за тие нешта – не! Мора и да работиме! – вели Мила.

– Навистина не го цениме тоа додека не го снема, додека не кажеме „Не знам дали некогаш ќе можам да гледам повторно. Не знам дали некогаш ќе можам повторно да слушнам, не знам дали некогаш повторно ќе можам да одам“ – истакна Ештон.

Back to top button
Close