ЕУ ќе воведе санкции против израелските доселеници, членови на Хамас и поединци и организации одговорни за смртта на Навални

Министерите за надворешни работи на земјите-членки на ЕУ постигнале политички договор за воведување санкции против екстремистичките израелски доселеници на окупираниот Западен Брег, како и за членовите на движењето Хамас.

„Постигнат е цврст компромис на работно ниво и се надевам дека ќе продолжиме да работиме се додека санкциите против насилните имигранти не бидат дефинитивно усвоени, но имаме политички договор“, изјави високиот претставник на ЕУ за надворешна и безбедносна политика, Жозеп Борел.

Санкциите вклучуваат забрани за патување и замрзнување на имотот во ЕУ и ќе стапат во сила во наредните денови кога ќе бидат објавени во Службениот весник на ЕУ, регистар на закони на ЕУ.

Борел додаде дека се договориле и за санкции за поединци и организации одговорни за смртта на рускиот опозициски лидер Алексеј Навални.

На состанокот се разговарало и за користењето на профитот од замрзнатите руски средства за помош на Украина