Фетел: Парите не ме интересираат, ако не најдам соодветна опција, ќе ја напуштам Формула 1

Пилотот на Ферари, Себастијан Фетел зборуваше за неговите планови околу избор на тим во иднина.

– Веќе успеав да постигнам многу во Формула 1, сега мојата цел е да продолжам да напредувам и да постигнам повеќе. Ако бев загрижен за проблемот со парите, тогаш веќе ќе имам место во некој тим за следната сезона. Јас разбирам дека во минатото постигнав голем успех, но во исто време разбирам дека имав среќа на многу начини. Парите никогаш за мене не биле од големо значење, ниту сега ништо не се сменило. Само ми треба опција што ми се допаѓа. Ако не можам тоа да го најдам, тогаш веројатно ќе морам искрено да си кажам дека е време да заминам, вели Фетел во изјавата за „ОРФ“.

Договорот на четирикратниот шампион во Формула 1 со италијанскиот тим важи до крајот на 2020 година, по што Германецот ќе стане слободен агент.

Back to top button
Close