Филипче и хирурзите од „8 Септември“ нашле привремено решение за оперативниот програм

Министерот за здравство,Венко Филипче попладнево оствари средба со претставници на хируршкиот колектив на ГОБ 8 Септември и со директорот на болницата д-р Христијан Костов.

-На средбата беа разгледани повеќе аспекти од состојбата, односно во ГОБ 8 Спетември во моментов се лекуваат 100 пациенти со ковид, па оттука и редуцираноста на бројот на хируршки одделенија, но сепак со запазување на итни случаи како малигноми и фрактури. Тие интервенции се одвиваат тековно, велат од Министерството.

За време на средбата се нашло привремено решение за оперативниот програм за следната недела, а во текот на престојните денови министерот со лекарите ќе разговараат и за трајно решение.

-Министерството за здравство апелира граѓаните да се вакцинираат, најголем број од пациентите се невакцинирани и тоа сериозно го оптеретува здравствениот систем, апелираат од Министерството.

Back to top button
Close