Филипче: Не смееме да дозволиме нашиот здравствен систем да не е во состојба да овозможи нега секому кому му е тоа потребно

Министерот за здравство, Венко Филипче вечерва на Фејсбук објави предупредување и апел до граѓаните да ги почитуваат мерките за заштита.

-Бројката на заболени и хоспитализирани поради ковид-19 расте. Не смееме да дозволиме нашиот здравствен систем да не е во состојба да му овозможи нега секому кому е тоа потребно затоа што капацитетите се искористени. Почитувањето на мерките, носењето маска и држењето дистанца остануваат најдобри начини сите да помогнеме тоа да не се случи, напиша Филипче.