Филипче: Отвараме нов сајт ревакцина.мк – ќе се разгледува и можноста за вакцинирање на деца

Вакцинацијата во Македонија продолжува со исто темпо, а следната недела се очекуваат 20.000 вакцини донација од Грција и 50.000 од Бугарија.

Дополнително во јуни пристигнуваат вакцини преку Ковакс, но и кинески вакцини, па министерот Венко Филипче очекува вакцинацијата да продолжи со ова темпо, од околу 10.000 вакцинирани дневно.

– Отвораме уште еден сајт, ревакцинација.мк, на која ќе се пријавуваат граѓаните кои се вакцинираа во Србија, да можат да се пријават кај нас и да бидат ревакцинирани со „АстраЗенека“. Сепак, останува кај нас да се ревакцинираат само граѓани постари од 60 години – појасни Филипче.

Министерот вели дека во следниот период ќе се разгледува можноста за вакцинирање деца од 12 до 16 години, откако САД го дозволи тоа со „Фајзер“ вакцината, со цел учениците да се вратат во училиште од 1 септември.