Филипче: По трансплантацијата на срце, пациентот е добар и заздравува
Пациентот, кај кого беше извршена шестата трансплантација на срце, се чувствува добро, објави министерот за здравство Венко Филипче.
„Сашо се чувствува добро по извршената трансплантација на срце. Тој е контактибилен и закрепнува. Од голема важност е постоперативниот период. Му посакувам многу здравје и што побрзо да се врати на вообичаените животни навики“,
вели Филипче.
Дарител е млада девојка на која во вторникот ѝ беше дијагностицирана мозочна смрт. Од дарителот беше извршена и трансплантација на бубрег кај 20-годишна пациентка која подолг период била на дијализа, а како што најавија претходно здравствените власти, ќе се експлантираат и коскени ткива.
