Филипче: Се сомневаме во можно политичко и бизнис влијание на дел од независните, посебно во Центар

Власта требаше да преземе нешто да тие укинати членови во Изборниот закон се заменат со други, односно да се донесе измена на законот за да се пополни таа празнина во однос на потребните потписи од страна на независните кандидати. СДСМ даде поддршка за предлогот цензусот да се намали на 0,5% но не се успеа, власта не се ни обиде да собере мнозинство, очигледно дека тоа сакаше да го постигне, рече претседателот на СДСМ – Венко Филипче во тв интервју.

„Во самото финале, откога изборите веќе се распишаа, дадовме поддршка за предлогот цензусот да падне на 0,5 проценти. Сметаме, доволно помалку од предвидените 1 процент коишто Уставниот суд ги укина за избор на запишани избирачи да дадат независните кандидати, со што ги штитиме нив да не се злоупотребат. Сега кога некој ќе даде кандидатура, а не е политичка партија, нема да стои името на независната групација или коалиција, или како и да е, само ќе стои ‘група на граѓани’. Значи, ќе бидат непрепознатливи и очигледно е дека владата тоа го сакаше. Не се ни обиде да го собере бадентеровото мнозинство во парламентот“, рече Филипче.

Филипче нагласи дека СДСМ сериозно се сомнева во влијанијата врз дел од независните:

„Ние се сомневаме во можно и политичко и бизнис влијаење на дел од независните, посебно во Центар, за што ќе ги изнесеме информации во следниот период. Па нека знаат граѓаните, нека ценат на кого треба да ја дадат довербата“, рече Филипче.