Филипче во Крива Паланка на средба со Митовски, кандидат за нов градоначалнички мандат и во посета на манастирот Свети Јоаким Осоговски

Претседателот на СДСМ Венко Филипче денеска во Крива Паланка ќе се сретне со актуелниот градоначалник од редовите на СДСМ и кандидат за уште еден мандат, Сашко Митовски. Попладнево тој го посети и манастирот Свети Јоаким Осоговски, по повод партонот на манастирот.

– Секогаш е пријатно да се биде тука во манастирот Свети Јоаким Осоговски. Видовме дека се градат и нови конаци, разрушени пред повеќе од еден век, верувам дека со нивната изградба манастирот ќе биде уште попријатно место за посета, рече Филипче.

Најавувајќи ја средбата со актуелниот градоначалник од редовите на СДСМ и кандидат за уште еден мандат, Сашко Митовски, Филипче рече дека тој заслужува да биде реизбран од граѓаните.

– Крива Паланка е единствен град во државата што доживеа комплетна трансформација, со средени, асфалтирани улици, осветлени и уредени, безбедни места за децата, паркови, реконструирани училишта, спортски терени, нов плоштад за одржување манифестации, така што, Сашко е прототип за тоа како треба да изгледа еден градоначалник: чесен, искрен, отворен, човек кој не прави разлика по ниту една основа, најмалку партиска, рече Филипче.