ФОТО: Камион излета од автопатот Гостивар – Тетово и заврши во двор на полициската станица, возачот повреден

Попладнево камион излета од коловозната лента на автопатот Гостивар – Тетово, ја скрши заштитната ограда и заврши во дворот од Полициската станица за безбедност во патниот сообраќај. Според првичните информации од тетовската пожарна, возачот е повреден.

-Моравме да интервенираме и да го извадиме возачот од кабината на камионот кој беше повреден и однесен во тетовската клиничка болница, информираше Авни Амети, командир на тетовската пожарна.

Во моментот се врши увид од службите на СВР Тетово, а сообраќајот се одвива успорено. Камионот има регистарски ознаки на Црна Гора.