ФОТО: Мицкоски го пречека косовскиот премиер Албин Курти

Премиерот Христијан Мицкоски денеска пред Владата го пречека косовскиот премиер Албин Курти.

Како што соопштија од владината прес-служба, предвидена беше тет-а-тет средба помеѓу премиерите Мицкоски и Курти, а потоа и билатерална средба на која покрај премиерите ќе присуствуваат и владини делегации од двете страни.

Се очекува меѓу темите на разговорите да стане збор и за инцидентот со косовската претседателка Вјоса Османи на скопскиот аеродром.