(ФОТО) Се запали куќа во Козле

Пожар утринава избувнал во куќа на улицата „Јуриј Гагарин“ во скопската населба Козле, а на местото интервенираат екипи на скопската Бригада за противпожарна заштита.

Од објектот се забележува густ чад кој излегува низ прозорците. Пожарникарите интервенираат со две противпожарни возила, а на терен била присутна и екипа на Итната медицинска помош, која по интервенцијата се упатила кон Клиничкиот центар „Мајка Тереза“.

Од МВР информираат дека пожарот бил пријавен во 7:52 часот.

„Денеска (18.08.2026) во 07:52 часот во СВР Скопје е пријавено дека на ул. ‘Јуриј Гагарин’ опожарена е куќа. Во тек е гасење на пожарот од страна на Бригадата за противпожарна заштита“, соопштија од МВР.

Засега нема информации за причините за избувнувањето на пожарот, ниту за евентуалната материјална штета.