(ФОТО+ВИДЕО) Се појави огромна дупка во бразилско село, властите прогласија вонредна состојба
Властите во град во Буритикупу, државата Марањан во бразилскиот Амазон, прогласија вонредна состојба откако огромни дупки се отворија во земјата.
Неколку згради веќе се уништени, а околу 1.200 луѓе од население од 55.000 се во ризик да ги изгубат своите домови поради проширувањето на бездната.
„Во последните неколку месеци, димензиите експоненцијално се зголемија, значително приближувајќи се до живеалиштата“ се вели во вонредниот декрет издаден од градската влада на почетокот на месецов.
Последните дупки претставуваат ескалација на проблем кој жителите на Буритикупу го следат веќе 30 години, додека дождовите полека ја еродираат почвата, која станала поранлива и бидејќи е песочна, но и поради лошо планирани градежни работи и уништување на шумите.
Големите ерозии на почвата се познати во Бразил како „voçoroca“, збор со индигено потекло кој значи „да ја искинеш земјата“.
Проблемот се влошува за време на обилни дождови како сегашниот, вели Марселинo Фариас, географ и професор на Федералниот универзитет на Марањан.
Антониа дос Ањос, која живее во Буритикупу 22 години, стравува дека наскоро ќе се појават уште дупки. „Оваа опасност е веднаш пред нас, и никој не знае каде оваа дупка се отвора под нас,“ рече 65-годишната жена.
Секретарот за јавни работи на Буритикупу, и инженер, Лукас Консеисао рече дека општината јасно нема капацитет да најде решенија за комплексната ситуација со дупките.
„Овие проблеми се движат од ерозивни процеси до отстранување на луѓето кои се наоѓаат во ризичната област,“ рече тој. (Гардијан)
