Фредериксен: Заканите на Трамп за Гренланд треба да се сфатат сериозно
Данската премиерка Мете Фредериксен денеска изјави дека намерите на американскиот претседател Доналд Трамп да ја преземе контролата врз Гренланд треба да се сфатат сериозно. Воедно, таа повтори дека и Данска и Гренланд категорично ги отфрлаат таквите амбиции.
– За жал, сметам дека изјавата на американскиот претседател дека го сака Гренланд мора да се сфати сериозно, изјави Фредериксен за Данското радио и телевизија.
Таа додаде дека јасно ја изнела позицијата на Кралството Данска и потсети дека Гренланд во повеќе наврати соопштил дека не сака да биде дел од САД.
– Ако САД нападнат друга земја членка на НАТО, тогаш сè завршува, изјави уште Фредериксен.
