ФЗОРСМ: Во функција системот „Мое осигурување”, здравствените установи и аптеките имаат увид во осигурувањето до денешен датум
Фондот за здравствено осигурување на Република Северна Македонија (ФЗОРСМ) известува дека системот „Мое Осигурување” функционира за осигурениците во цела држава, со тоа што поради технички прилагодувања, во целосна функција ќе биде ставен до крај на денот.
Премиерот Димитар Ковачевски викендот во интервју за МИА истакна дека проблемот со хакерскиот напад на Фондот за здравствено осигурување ќе се реши. На него, како што информираше деноноќно работат домашни и експерти од земјите – членки на НАТО. Личните податоци на граѓаните, според Ковачевски се заштитени, а се прават напори да им бидат исплатени и платите на здравствените работници.