ГАЛЕРИЈА: Белгиската полиција пронајде украдени слики на Пикасо и Шагал

Во подрум на една куќа во Антверпен, белгиската полиција пронашла слики од Пабло Пикасо и Марк Шагал, украдени пред 14 години во Тел Авив, соопштија локалните власти.

„Главата“ на Пикасо и „Човекот што се моли“ на Шагал, чија вредност се проценува на околу 900.000 долари, се во добра состојба.

Сликите биле украдени од колекционер на уметнички дела во Тел Авив во 2010 година.

Украден бил о накит вреден 680.000 долари, но до сега пронајдени се само сликите.

Локалната полиција отворила истрага кога добила дојава дека белгиски државјанин ги нуди двете дела на продажба. Обвинителството соопшти дека главниот осомничен е уапсен.